Бу босқичда футзалчиларимизга ё Аргентина, ёҳуд Эрон термаси рақиблик қилади. Бу масалага бугун оқшомда  ойдинлик киритилади.

Бир неча соат олдин Литва спорт иншоотларида давом этаётган футзал бўйича Жаҳон чемпионатида ўзбекистонликлар ўз тарихида илк бор гуруҳда муваффақият қозониб, навбатдаги босқичга йўлланмани қўлга киритишди. 

Баҳодир Аҳмедов шогирдлари Миср термасига қарши ўйинда чинакам қаҳрамонлик кўрсатди.  Равшан Элибоевнинг ажойиб сейвлари, жамоадошларини бир неча бор муқаррар голлардан моҳирона қутқариб қолиши, Анасхон Раҳматовнинг ҳал қилувчи суперголи, умуман, барча вакилларимизнинг майдонда борини бериб ҳаракат қилишлари эвазига терма жамоамиз плей-офф йўлланмасини қўлга киритди. 

Энди гуруҳимиз вакиллари – Россия ва Ўзбекистон терма жамоалари “Ғ” гуруҳида биринчи ва иккинчи ўринни эгаллаган термалар билан куч синашади. Мазкур гуруҳда икки тур якунига кўра Аргентина ва Эрон термалари пешқадамлик қилишмоқда. 

Бугун кечки оқшомда иккала жамоанинг ўзаро учрашуви ўтказилади ва гуруҳ ғолиби аниқланади. 

Нимчорак финалда жамоамиз ўрин олган “В” гуруҳи пешқадами “Ғ” гуруҳи етакчиси билан ўзаро куч синашади, турган гапки, гуруҳлардаги иккинчи жамоалар ҳам бир-бири билан беллашади. Ютуққа эришган жамоалар чорак финалга йўлланма олади.