Соғлиқни сақлаш вазирлиги матбуот хизмати маълумотларига кўра, сўнгги беш ярим ойда вакцина олиши кўзда тутилган аҳолининг 16 фоизи коронавирусга қарши тўлиқ эмланган.

Мамлакатимиз аҳолисининг 21 миллион нафардан ортиқ қисми эмлаш тадбирларига қамраб олиниши режалаштирилган бўлиб, жорий йил 15 сентябрь ҳолатига кўра, жами эмланувчиларга нисбатан 1-дозани олганлар 47,6 фоизни ташкил қилган.  

15 сентябрь ҳолатига кўра, юртимизда камида 1- доза вакцина олганлар 10 миллион 200 минг нафардан ошган.

Вирусга қарши тўлиқ босқичларда вакцина олганлар жами эмланадиган аҳолининг 16 фоизини ташкил қилиб, уларнинг сони 3,4 миллион нафардан ошган.

Моҳигул Қосимова,

ЎзА