Элнур Абдураимов мўғулистонлик боксчини енгиб кейинги босқичга йўл олди
Боксчимиз Элнур Абдураимов (63 кг.) “Токио–2020” Олимпиадасидаги дастлабки жангини мўғулистонлик Чинзориг Баатарсухга қарши ўтказди.
Дастлабки раундда амалдаги Осиё чемпиони Чинзориг Баатарсух устунликка эришди. Қолган раундларда Элнур ўз маҳоратини кўрсата олди ва якунда кичик фарқ билан ғалаба қозонди.
Шу тариқа вакилимиз БААда ўтган Осиё чемпионатидаги финал учун муносиб реванш олиш билан бирга, кейинги босқич масаласини ижобий ҳал қилди, дейилади Миллий олимпия қўмитаси матбуот хизмати хабарида.
ЎзА