Божхоначилар ҳужжатларда кўрсатилмаган 700 миллион сўмлик товарларни аниқлади
Бухоро вилояти божхона бошқармаси “Олот” чегара божхона пости ходимлари қўшни давлатдан юртимизга кириб келган юк автомашинасини белгиланган тартибда божхона назоратидан ўтказади.
Натижада божхона кўриги давомида юк кузатув ҳужжатларида кўрсатилмаган, қиймати салкам 439 миллион сўмлик товарлар борлиги аниқланди. Яна бир ҳолатда мазкур постга кириб келган юк автомашинаси белгиланган тартибда божхона назоратидан ўтказилади.
Кўрик давомида юк кузатув ҳужжатларида кўрсатилмаган ва юк кузатув ҳужжатиларида кўрсатилганидан ортиқча умумий қиймати 262 миллион сўмлик жами 63 номдаги 1161 дона автоэҳтиёт қисмлари борлиги маълум бўлди.
Ҳозирда мазкур ҳолатлар юзасидан божхона органлари томонидан суриштирув ишлари олиб борилмоқда. Божхона ходимлари юртимизга товар-моддий бойликларни ноқонуний олиб киришга уриниш ҳолатларига ўз вақтида чек қўйган.
Зариф Комилов, ЎзА