Яқинда пойтахтимизда спортнинг оммалашган техник-амалий турларидан бири картинг бўйича ўтказилган Ўзбекистон очиқ биринчилиги ҳамда “Тошкент Гран-при” халқаро мусобақасининг дастлабки босқичи наманганлик спортчилар учун ғоят салмоқли якунланди.

Мамлакатимиз вилоятлари, шунингдек, Қозоғистон, Қирғизистон, Россия ва Туркиядан келган элликдан зиёд спортчи баҳс олиб борган мусобақада Ўзбекистон мудофаасига кўмаклашувчи “Ватанпарвар” ташкилоти Наманган вилояти кенгаши қошидаги ўқув-спорт техника клубининг беш нафар спортчиси медалларга сазовор бўлиб, ғолиблик шоҳсупасидан жой эгаллади.

Хусусан,  миллий синфдаги «Мини UZB», «OK Junior UZB» ҳамда халқаро синфдаги «ОK», «KZ» йўналишларда қизғин ва муросасиз кечган пойгаларда шахсий биринчиликда юқори кўрсаткичларга эришган Адҳамжон Эгамбердиев, 14 ёшли Ясмина Эгамбердиева, Музаффар Муҳаммаджонов, Салеҳ Хайруллаев, Аликай Хайруллаевдан иборат Наманган вилояти терма жамоаси Тошкент шаҳри ва пойтахт вилояти жамоаларини ортда қолдириб, якунда умумжамоа ҳисобида фахрли биринчи ўринни қўлга киритди.

Оқилхон Дадабоев, ЎзА