Хитой ва Россиянинг доллардан воз кечиши АҚШ учун хавотир уйғотмайди, деб баёнот берди АҚШнинг ФРС раҳбари Жер Пауэлл.

«Бундай муаммо йўқ. Доллар – дунё мамлакатларининг захира валютаси ҳисобланади, у билан ҳеч бир мамлакат валютаси беллаша олмайди, унга яқин ҳам кела олмайди», – деди у парламентда сўзга чиқиб.  

 Унинг таъкидлашича, доллар кучини АҚШда фаолият кўрсатаётган демократик институтлар, очиқ бозорлар ва паст инфляция таъминлаб турибди.