Ниқоб таққан жангарилар HALO Trust Британия-Америка нотижорат ташкилотининг 10 нафар ходимини ўлдиришган. Улар Афғонистон ҳудудини миналардан тозалаш билан шуғулланаётган эди, деб хабар қилади маҳаллий 1TV телеканали.

Телеканал берган маълумотга кўра, ҳужум мамлакатнинг шимоли-шарқида Бағлон вилоятининг Маркязи туманида уюштирилган. Жангарилар яна 14 ходимни ҳам жароҳатлагани ҳақида айтилмоқда.

Афғонистон расмийларининг таъкидлашича, ҳужум «Толибон» ҳаракати жангарилари томонидан амалга оширилган.