Температураның көтерілуіне байланысты Ташкент метросының жылдамдығы шектелді
Ташкент метрополитенінің әкімшілігі ыстық ауа-райына байланысты күндізгі уақытта жер үсті желілеріндегі пойыздар жылдамдығы шектелетінін хабарлады.
«Температураның күрт көтерілуі нәтижесінде қозғалыс қауіпсіздігін қамтамасыз ету мақсатында пойыздар Ташкенттің жет үсті айналма жолында сағат 18:00-ге дейін шектеулі жылдамдықпен (30-35 км / сағ) жүреді», - делінген ресми мәліметте.
Метрополитен әкімшілігінің дерегінде, пойыздар жылдамдығы күннің қай кезінен бастап шектелері және бұл джағдай қанша уақытқа дейін жалғасатыны туралы мәлімет айтылмаған.
Осы орайда айта кететін жайт, Өзбекстанда соңғы 80 жыл ішінде абсолютті максимал температура байқалды. «Узгидрометтің» хабарында 31 мамыр күні Бұхарада 43 градус ыстық тіркелген.