Хитойнинг Чунцин шаҳрида номаълум шахс боғча тарбияланувчиларига пичоқ билан ҳужум қилишга уринган. Маҳаллий ОАВ ҳодиса оқибатида икки нафар бола ҳалок бўлган, деб хабар бермоқда.

Жиноятни 39 ёшли аёл содир этган, аммо бошқа тафсилотлар ошкор қилинмаяпти. Гумонланувчи воқеа жойида қўлга олинган.

Полиция болалар ўлими ҳақидаги хабарларни рад этмоқда. Шу билан бирга одамларни миш-миш тарқатмасликка чақирган.

Хитойда зўравонлик билан боғлиқ жиноятлар кам учрайди, бироқ сўнгги йилларда мактаб ва болалар боғчаларида жиноятлар сони ортган.