Россия Ҳиндистонга тез орада ёрдам бериши ҳақида маълум қилди
Россия Ҳиндистонга коронавирусга қарши курашишда қўл келадиган тиббий анжомлар етказиб беради, дея хабар берди РФ Ташқи ишлар вазирлиги.
Ҳиндистон билан дўстлик ва стратегик шериклик муносабатларидан келиб чиқиб, ушбу мамлакатга коронавирусга қарши курашишда кўмак беришга қарор қилинган. Маълум бўлишича, Ҳиндистонга шошилинч рейс билан тиббий ускуналар юборилади.
Жумладан, Россия Фавқулодда вазиятлар вазирлиги кислород концентраторлари, ўпкани сунъий шамоллатиш ускуналари, COVID-19га қарши дорилар ва бошқа керакли тиббий анжомлар етказиб беришини маълум қилди.
Ҳиндистонда сўнгги 24 соат ичида 323 мингдан зиёд янги ҳолат рўйхатга олинган. Ўтган беш кунда мамлакатда кунлик ўсиш бўйича энг юқори кўрсаткич қайд этилди. Хабарларга кўра, айни пайтда 2,8 миллионга яқин беморлар даволанмоқда.