Наманган гулларга бурканмоқда
Гуллар шаҳри – Наманган шу кунларда баҳорий гулларга бурканмоқда.
Ҳозирга қадар шаҳарнинг кўча ва хиёбонлари, ташкилот ва корхона атрофлари, аҳоли хонадонларига 344 минг туп гул кўчатлари экилди.
Айни пайтда вилоят гулчилари томонидан 16 гектарлик плантацияда 20 миллион донадан зиёд гул кўчатлари парвариш қилинмоқда. Унинг 10 миллиони вилоят эҳтиёжини қондирса, қолган қисми вилоятлар ва қўшни давлатларга етказиб берилади.
[gallery-1934]
Жорий йилда вилоятда ўтказиладиган анъанавий Гул байрамининг 60 йиллигига ҳозирдан тайёргарлик бошлаб юборилган. Янгича ландшафт дизайнига асосланган ва ўзгача кўринишдаги гул экиш жараёнларига киришилган.
Ҳотам МАМАДАЛИЕВ олган суратлар, ЎзА