Ақтау мен Үргеніш арасында әуе рейсі ашылады
Қазақстанның Ақтау қаласы мен Өзбекстанның Үргеніш қаласы арасында жаңадан әуе рейсі ашылады.
ҚР-ның Индустрия және инфрақұрылымдық даму министрлігі Азаматтық авиация комитетінің хабарлауынша, 2021 жылдың 8 наурызынан бастап «SCAT» әуе компаниясы Ақтау және Үргеніш қалалары арасында аптасына 2 рейс орындай бастайды.
Рейстер Б-737 әуе кемесімен дүйсенбі және сәрсенбі күндері орындалатын болып, санитарлық – эпидемиологиялық талаптарды қатаң сақтаған күйде және әуе компаниясының сайтында жарияланған кестеге сәйкес орындалады, делінген хабарламада.