Вашингтон Хитойни Америка технологияларини ўғирлашда айблаганидан кейин 1000 дан ортиқ хитойлик олимлар АҚШни тарк этди, дейилади "ТАСС" хабарида.

Қўшма штатлар Адлия вазирлиги баёнотига кўра, мамлакат расмийлари томонидан хитойлик бир нечта олимларга нисбатан саноат ва технологик жосусликдаги айбловлар бўйича жиноий ишлар қўзғатилганидан кейин улар Америкадан чиқиб кетган.

Хабарда қайд этилишича,  АҚШ Адлия вазирлиги ходимларидан бирининг ахборотига кўра, хитойлик олимларнинг Хитой Халқ-озодлик армияси билан алоқадорлиги аниқланган. 

Маълумот ўрнида, жорий йилнинг 29 май куни АҚШ президенти Дональд Трамп ХХРдан бир қатор аспирантлар ва олимларнинг мамлакатга киришини чекловчи декларацияни имзолаган эди.