Өзбекстан Футбол қауымдастығы елдегі үш төрешіге санкциялар енгізіп, олардың біреуіне 5 жыл бойы футболға қатысты түрлі шараларға қатысуына тыйым салынған.

Футбол қауымдастығының ресми сайтындағы  хабарламаға сәйкес, Футбол қызметін қадағалау жөніндегі арнайы инспекция Өзбекстан супер лигасы мен Про-лига матчтарында бірқатар жемқорлық жағдайларын, яғни матчқа немесе оның нәтижесіне әсер ету мақсатында келісімдерге қатысқан бірқатар футбол төрешілері анықталған.

Тексеріс нәтижесінде алынған мәліметтердің соңғы қорытындысы бойынша 3 төрешіге қатаң жаза қолданылды.

Мәлімдемеге сай:

• ФИФА, АФК төрешісі Жасур Мухторов UFA тәртіптік кодексінің 5.44-бабына сәйкес кездесулерге немесе оның нәтижесіне әсер ету мақсатында бірқатар футбол матчтарына қатысқаны үшін  футболға қатысты барлық іс-шаралардан 5 жылға дейін шеттетіліп, 90 миллион сум айыппұл салынды;
• UFA төрешісі Темур Тухтасинов Тәртіптік кодекстің 5.44-бабына сәйкес бірқатар футбол матчтарына немесе оның нәтижесіне әсер ету мақсатында ойындарға қатысқаны үшін 2021 жылғы футбол маусымында төрешіліктен шеттетіліп, 10 млн сум айыппұл салынды;
• UFA төрешісі Аскер Нажафалиев төрешілердің футбол қызметін қорғау туралы декларациясына сәйкес UFA-ның Футболды бақылау жөніндегі арнайы инспекциясымен ынтымақтастықта болғанын және АФК Төрешілік академиясында оқып жатқанын және оқу процесінде ең жақсы нәтиже көрсетіп жатқанын ескеріліп, UFA Тәртіптік кодексінің 5.42-бабы бойынша PFL фактілерін бұрмалауға тырысқаны үшін төрешіліктен 2020 футбол маусымының соңына дейін уақытша шеттетіліп, 70 млн сум айыппұл салынды, делінген хабарламада.