ЎзА Ўзбек

22.02.2019 Чоп этиш версияси

Мадуро Венесуэланинг Бразилия билан чегарасини ёпиб қўйди

Мадуро Венесуэланинг Бразилия билан чегарасини ёпиб қўйди Президент Николас Мадуро Венесуэланинг Бразилия билан чегара постини ёпиб қўйишини маълум қилди. Бунга сабаб АҚШ томонидан Венесуэлага юборилаётган инсонпарварлик ёрдамини мамлакатга киритмаслик бўлган.

Шунингдек, Мадуро сал аввал Колумбия билан ҳам чегаралар ёпилишини айтган эди. У Колумбия орқали ҳам кириб келаётган АҚШ ёрдамларини Венесуэлага киритмаслик учун чегара кўпригини бутунлай ёпишни буюрган эди.

Мадуро телевидениеда қилган баёнотида ёрдамни “провокация” ва “болаларча ўйин” дея атади. Бу ёрдам АҚШни нефтга бой, аммо иқтисодий жиҳатдан кучсиз бўлган Лотин Америкаси мамлакатларига ҳарбий аралашуви учун баҳона бўлиб хизмат қилади, дея қатъий фикр билдирган.

Мадуро, Венесуэлага кириб келиш учун энг асосий йўллар бўлган Колумбия ва Бразилия билан чегаралар бугундан бошлаб тўлиқ тартибда ёпилади, дея таъкидлади.

1 879
ЎзА