ЎзА Ўзбек

16.09.2020 Чоп этиш версияси

Хитой фазога битта ракета билан тўққизта сунъий йўлдош учирди

Хитой фазога битта ракета билан тўққизта сунъий йўлдош учирди

Хитойда "Сзилин-1 Гаофен 03−1" туркумидаги тўққизта йўлдош битта "Чанчжен-11" ракета-ташувчисида учирилди.

Барча сунъий йўлдошларга ер орбитасига мосланган ҳисоблаш ускуналари ўрнатилган.

Тўққиз йўлдошнинг учтаси видеотасвирлар яратишга мўлжалланган, қолган олтита йўлдошнинг вазифаси юқори сифатли тасвирларни ерга юбориб туришдан иборат.

“Синхуа” хабарида айтилишича, енгил вазнли бу аппаратлар “Chang Guang Satellite Terchnology” компаниясида ишлаб чиқарилган бўлиб, Сариқ Денгиз ҳавзасидан орбитага чиқарилган.

Илмий мақсадлардаги тасвирларни узатишдан ташқари, улардан, шунингдек, мамлакатнинг ер ресурслари, шаҳарсозликка оид режалаштириш ва табиий офатлар хавфи бўйича маълумотлар олиб турилади.

2 272
ЎзА