Юз ёшни қоралаган аёл коронавирусдан соғайиб, уйига жавоб берилди.

Юз ёшни қоралаган аёл коронавирусдан соғайиб, уйига жавоб берилди. Бемор Астурия вилоятининг Авилес шаҳридаги касалхонада даволанган, деб хабар берди Мухториятлар ҳамжамияти соғлиқни сақлаш департаменти.

“Бугун биз учун қувончли кун. Сан Агустин де Авилес Университети касалхонасида COVID-19 вирусига чалинган биринчи бемор тузалиб чиқди. Гап 100 ёшга кирган аёл ҳақида бормоқда.“, — дейилади соғлиқни сақлаш департаментининг Twitterда тарқатган хабарида.

2 апрелгача Испанияда коронавирусга чалиниш бўйича 110 мингта ҳолат аниқланди, улардан 10 минг бемор вафот этди. Астурия вилоятида коронавирусни юқтириб олганлар 1,4 мингга етган, қурбонлар сони 69 кишини ташкил этди, дейилади мазкур хабарда.