ЎзА Ўзбек

14.03.2018 13:03 Чоп этиш версияси

Сурхондарёда учта тоғ туризми кластери ташкил этилади

Сурхондарёда учта тоғ туризми кластери ташкил этилади
Сурхондарё вилояти ҳудудида учта тоғ туризми кластерини ташкил этиш кўзда тутилмоқда. 

Бойсун туманидаги Омонхона, Дарбанд қишлоғи ва Зовбоши тоғли ҳудудини қамраб оладиган Бойсун тоғ туризми кластери, Сариосиё ва Узун туманларидаги Хонжиза тоғ тизмалари ёнбағри ҳамда Сариосиё туманидаги Сангардак қишлоғи ҳудудида Сариосиё тоғ туризми кластери фаолияти йўлга қўйилади. 

Шеробод тоғ туризми кластери таркибига Шалқон қишлоғи, Хўжаикон туз кони атрофи ва ҳудуддаги анорзор ҳамда бошқа мевали боғ-роғлар киритилади.

Вилоятда ташкил этиладиган кичик туризм зоналарида янги меҳмонхоналар, маданий-соғломлаштириш, савдо-кўнгилочар ва туристик аҳамиятдаги бошқа иншоотлар қурилади. Замонавий муҳандислик инфратузилма объектлари барпо этилади. 

Холмўмин Маматрайимов, ЎзА мухбири
15 484