Размер шрифта: A A A
Цвет сайта: A A A A

09.08.2018 12:40 Чоп этиш версияси

Яна бир марра забт этилди

Яна бир марра забт этилди

Фарғона шаҳрида Халқаро теннис федерацияси томонидан ўсмирлар ўртасида ташкил этилган “Fergana Cup“ турнирининг иккинчи давра баҳслари якунланди.

Ўғил болалар ўртасидаги баҳсларда Сергей Фомин чорак финал йўлланмасини қўлга киритди.

Яна бир теннисчимиз Иброҳимжон Ўринов эса польшалик Мишель Возниякга қарши кортга чиқди. Ўйинда ҳисоб 4:6, 6:2, 1:0 кўринишини олганда Мишель ўйинни давом эттиришдан бош тортди ва мағлубиятини тан олди.

Қизлар ўртасидаги баҳсларда Ясмина Каримжонова туркиялик Дога Туркменни 6:1, 5:7, 7:5, Милана Масленкова эса россиялик Анастасия Золотаревани 6:2, 6:1 ҳисобида енгди.

Мусобақанинг жуфтлик баҳсларида чорак финал босқичидан муваффақиятли ўтган Я.Каримжонова ҳамда латвиялик Дария Семенистая тандеми ярим финалда россиялик теннисчилар – Алина Чараева ҳамда Мария Ткачевага қарши ўйнайдиган бўлди.

Ўғил болалар ўртасида эса Одил Каримов ва канадалик Глеб Блекер жуфтлиги финал йўлланмаси учун ўтадиган беллашувда туркиялик Берк Илкел ва Эмир Сендоганга қарши куч синашади.

* * *

Беларусь пойтахти Минск шаҳрида теннис бўйича “Фьючерс” туркумига кирувчи турнирда Жўрабек Каримов чорак финалга чиқди.

Жўрабек ярим финал учун грузиялик Георги Цевадзега қарши баҳслашади.

Ж.Тошхўжаев, ЎзА
6 223