ЎзА Ўзбек

10.07.2019 15:48 Чоп этиш версияси

Тошкентда каратэ (WKF) бўйича ХVI Осиё чемпионати ўтказилади

Тошкентда каратэ (WKF) бўйича ХVI Осиё чемпионати ўтказилади

Пойтахтимиз 14-22 июль кунлари каратэ (WKF) бўйича ХVI Осиё чемпионати ва Осиё каратэ федерациясининг навбатдаги сайлов конгрессига мезбонлик қилади.

Осиё каратэ федерациясининг навбатдаги сайлов конгресси жорий йилнинг 18 июль куни пойтахтимиздаги “Intemational Tashkent” меҳмонхонасида ўтказилади. Шунингдек, 19-21 июль кунлари “Ўзбекистон“ спорт мажмуасида каратэ (WKF) бўйича ХVI Осиё чемпионати бўлиб ўтади.

Ушбу йирик спорт анжуманларини юқори савияда ўтказишга Ўзбекистон Жисмоний тарбия ва спорт вазирлиги, Миллий олимпия қўмитаси, мамлакатимиз каратэ миллий федерацияси, Тошкент шаҳар ҳокимлиги, Ўзбекистон Миллий ахборот агентлиги ва Миллий телерадио компанияси ўз ҳиссаларини қўшмоқдалар.

19-21 июль кунлари “Ўзбекистон“ спорт мажмуасида каратэ (WKF) бўйича ХVI Осиё чемпионатида 50 га яқин давлатдан 500 нафарга яқин каратэчи ғолиблик учун ўзаро куч синашади.

Жавоҳир ТОШХЎЖАЕВ, ЎзА
1 221