ЎзА Ўзбек

13.08.2019 Чоп этиш версияси

Қонликўллик футболчилар мусобақанинг минтақавий босқичида иштирок этади

Қонликўллик футболчилар мусобақанинг минтақавий босқичида иштирок этади

Нукусда 13-14 ёшли маҳалла ўсмирлари ўртасида мини-футбол бўйича “Чарм тўп“ мусобақасининг Қорақалпоғистон Республикаси босқичи бўлиб ўтди.

Мусобақада ҳудудий босқичларда ғолибликни қўлга киритган Тахтакўпир, Тўрткўл, Хўжайли, Қонликўл туманлари жамоалари иштирок этди.

Мусобақа Фуқароларнинг ўзини ўзи бошқариш органлари фаолиятини мувофиқлаштириш бўйича Қорақалпоғистон Республикаси кенгаши, Жисмоний тарбия ва спорт, Ички ишлар, Соғлиқни сақлаш вазирликлари, Қорақалпоғистон касаба уюшмалари ташкилотлари бирлашмаси кенгаши, футбол федерацияси, телерадиокомпанияси билан ҳамкорликда ўтказилди.

photo5375289057598352559.jpg

photo5375289057598352560.jpg

Мақсад ёшлар ўртасида футболни оммалаштириш, маҳаллалардаги иқтидорли ёшларни спорт-соғломлаштириш тадбирларига янада фаол жалб қилиш, тиббий ва жисмоний маданиятни ривожлантиришдан иборат.

Қонликўл туманидаги “Наврўз” маҳалла фуқаролар йиғини “Наврўз“ жамоаси биринчи ўринни эгаллаб, Хоразм вилоятида бўлиб ўтадиган минтақавий босқичга йўлланмани қўлга киритди. Кейинги ўринларни Хўжайли, Тўрткўл ва Тахтакўпир туманлари жамоалари эгаллади.

Ғолиблар диплом, эсдалик совғалари билан тақдирланди.

3 310
Довуд АБИБУЛЛАЕВ, Мақсад ҲАБИБУЛЛАЕВ (сурат), ЎзА