ЎзА Ўзбек

31.08.2018 19:46 Чоп этиш версияси

Европа Лигасига қуръа ташланди, “Милан” мусобақада қатнашади

Европа Лигасига қуръа ташланди, “Милан” мусобақада қатнашади
Монако шаҳрида Европа Лигасининг 2018-2019 йилги мавсуми гуруҳ босқичига қуръа ташланди. Маросим олдидан ўтган мавсумнинг энг яхши футболчилари ҳам тақдирланишди. Ушбу номга мусобақанинг амалдаги ғолиби “Атлетико” (Мадрид, Испания) жамоаси сардори Диего Годин, шу клуб етакчиси ва финал қаҳрамони Антуан Гризманн ҳамда Франциянинг “Марсел” клубини финалгача етаклаб келган Димитри Пайетлар даъвогарлик қилишаётганди. Сўров якунларига кўра Европа Лигаси-2017/2018 мавсумининг энг яхши футболчиси, деб Антуан Гризманн топилди.

Шундан сўнг мусобақанинг гуруҳ босқичига етиб келишган 48та жамоа қуръа ёрдамида 12 гуруҳга тақсимланишди. Қуръа натижалари билан танишинг:

A гуруҳи: «Байер» (Германия), «Лудогорец» (Болгария), «Цюрих» (Швейцария), АЕК (Ларнака, Кипр),
B гуруҳи: «Ред Булл Залцбург» (Автрия), «Селтик» (Шотландия), «РБ Лейпциг» (Германия), «Русенборг» (Норвегия),
C гуруҳи: «Зенит» (Россия), «Копенгаген» (Дания), «Бордо» (Франция), «Славия» (Прага, Чехия),
D гуруҳи: «Андерлехт» (Белгия), «Фенербахче» (Туркия), «Айнтрахт» (Германия), «Спартак» (Трнава, Словакия),
E гуруҳи: «Арсенал» (Англия), «Спортинг» (Португалия), «Қорабоғ» (Озарбайжон), «Ворскла» (Украина),
F гуруҳи: «Олимпиакос» (Греция), «Милан» (Италия), «Бетис» (Испания), «Дюделанж» (Люксембург),
G гуруҳи: «Вилярреал» (Испания), «Рапид» (Вена, Австрия), «Спартак» (Москва, Россия), «Глазго Рейнжерс» (Шотландия),
H гуруҳи: «Лацио» (Италия), «Марсель» (Франция), «Динамо» (Загреб, Хорватия), «Аполлон» (Кипр),
I гуруҳи: «Бешиктош» (Туркия), «Генк» (Белгия), «Мальме» (Швеция), «Сарпсборг» (Норвегия),
J гуруҳи: «Севилья» (Испания), «Краснодар» (Россия), «Стандард» (Белгия), «Оқхисор» (Туркия),
K гуруҳи: «Динамо» (Киев, Украина), «Остона» (Қозоғистон), «Ренн» (Франция), «Яблонец» (Чехия)
L гуруҳи: «Челси» (Англия), ПАОК (Греция), БАТЭ (Белорус), «Види» (Венгрия).

Гуруҳ босқич ўйинари 20 сентябрда бошланиб, 13 декабрда якунига етади. 2018/2019 йилги Европа лигаси ғолиби эса Озарбайжонда аниқланади. Финал баҳси 2019 йил 29 майда Бокудаги “Олимпия” стадионида бўлиб ўтади.

ЎзА
2 939