ЎзА Ўзбек

19.09.2018 10:34:14 Чоп этиш версияси

Бугун Ўзбекистон U-16 аёллар терма жамоаси Гуамга қарши майдонга тушади


​Бугун Ўзбекистон U-16 аёллар терма жамоаси Шри-Ланкада бўлиб ўтаётган Осиё чемпионатининг саралаш босқичидаги иккинчи ўйинини Гуам U-16 аёллар терма жамоасига қарши ўтказади. Бу ҳақида ЎФА хабар бермоқда.

Ушбу ўйин Коломбо шаҳридаги «City Football Games» стадионида Тошкент вақти билан соат 10:30 да бошланади. Ушбу ўйинда терма жамоамиз вакиллари кўк рангли либосда майдонга тушишади.

Эслатиб ўтамиз, биринчи баҳсда Илҳом Ханжариев жамоаси Иорданияга қарши майдонга тушиб дурангга имзо чеккан эди.