ЎзА Ўзбек

03.08.2020 Чоп этиш версияси

"Жалолиддин Мангуберди" сериалида бош қаҳрамонни турк актёри Эмре Кивилжим ижро этмоқда

"Жалолиддин Мангуберди" сериалида бош қаҳрамонни турк актёри Эмре Кивилжим ижро этмоқда

Ўзбекистон Республикаси Маданият вазирлиги буюртмасига кўра "Ўзбеккино" миллий агентлиги билан ҳамкорликда Туркияда "Жалолиддин Мангуберди" сериалининг суратга олиш ишлари бошланди, дея хабар бермоқда "Ўзбеккино" миллий агентлиги Ахборот хизмати. 

Туркиянинг "Bo‘zdag‘ film" студияси томонидан суратга олинаётган кўп қисмли фильм режиссёри Меҳмет Бўздағ, сценарий муаллифи Назар Эшонқул. Ҳозирда Туркиянинг Аксарай вилояти ҳудудида суратга олинаётган сериал учун махсус тарихий декорациядан иборат павильон қурилган. Сериалда бош қаҳрамон Жалолиддин Мангуберди ролини турк актёри Эмре Кивилжим ижро этади. Шунингдек, бир қатор ўзбекистонлик актёр ва актрисалар Тоҳир Саидов, Жавоҳир Зокиров, Акбархўжа Расулов, Адиз Ражабов, Алишер Узоқов, Райҳон Уласенова, Раъно Шодиева, Феруза Норматова, Юлдуз Ражабоваларнинг ҳам роль ижро этиши кутилмоқда.

Сериалнинг илк мавсуми 13-қисмдан иборат.

10 858
ЎзА