“Coca-Cola Ichimligi Uzbekiston, ltd” МЧЖни аукцион асосида хусусийлаштириш ишлари бошланган.

Ўзбекистондаги энг йирик яхна ичимликлар ишлаб чиқарувчи “Coca-Cola Ichimligi Uzbekiston, ltd” масъулияти чекланган жамияти устав капиталидаги 57,118 фоиз улуш «Ўзбекозиковкатхолдинг» компаниясига, 42,882 фоизи эса «The Coca-Cola Export Corporation» (АҚШ) компаниясига тегишли.

“Coca-Cola Ichimligi Uzbekiston, ltd” МЧЖни аукцион асосида хусусийлаштириш ишлари бошланган бўлиб, оммавий савдога нуфузли халқаро молия ташкилотлари, хорижий инвестиция воситачилари ва аудиторлик компаниялари ҳам жалб этилмоқда.

Бугунги кунда ишлаб чиқаришни маҳаллийлаштириш, иш ўринларини яратиш мақсадида тадбиркорларимиз учун зарур бўлган барча имкониятлар яратилмоқда. Тадбиркорлар қонун билан ҳимояланиляпти.

Ана шу қулайликлар асносида маҳаллий тадбиркорларимиз ҳам “Coca-Cola Ichimligi Uzbekiston, ltd” МЧЖнинг давлат улушини сотиб олишга даъвогарлик қилишса, ишлаб чиқаришни маҳаллийлаштиришга катта ҳисса қўшган бўлар эди.