ЎзА Ўзбек

31.07.2019 10:36:17 Чоп этиш версияси

ТАЙИНЛОВ: Риштон тумани ҳокими ўзгарди



Фарғона вилояти Риштон тумани ҳокимлигида навбатдан ташқари сессия бўлиб ўтди. Сессия ишида туманни ижтимоий-иқтисодий ривожлантириш масаласи фаоллар иштирокида танқидий-таҳлилий муҳокама қилинди. Унда ташкилий масала кўрилди.

2018 йил февраль ойидан буён туман ҳокими бўлиб ишлаб келган Таваккалжон Раҳимов ўз аризасига кўра вазифасидан озод этилди. Вилоят автомобиль йўллари ҳудудий бош бошқармаси бошлиғи вазифасида ишлаб келаётган Суфҳонжон Солиев Риштон тумани ҳокими этиб тайинланди.

Эслатиб ўтамиз. Бугунги кунда Риштон туманини намунали ҳудудга айлантириш борасида кенг миқёсли бунёдкорлик ишлари амалга оширилмоқда.