ЎзА Ўзбек

12.01.2019 Чоп этиш версияси

Ташқи ишлар вазирлари Самарқандга келмоқда

Ташқи ишлар вазирлари Самарқандга келмоқда

Аввал хабар берганимиздек, 12-13 январь кунлари Самарқанд шаҳрида “Ҳиндистон – Марказий Осиё” мулоқоти ташқи ишлар вазирларининг Афғонистон иштирокида илк учрашуви бўлиб ўтади. 

Унда Ҳиндистон, Қирғизистон, Тожикистон, Туркманистон, Афғонистон ва Ўзбекистон Республикаси ташқи ишлар вазирлари, Қозоғистон ташқи ишлар вазирининг биринчи ўринбосари иштирок этиши кутилмоқда.

3.JPG

Бугун эрталаб Самарқанд темирйўл вокзалида Қирғизистон ташқи ишлар вазири Чингиз Айдарбеков ва Афғонистон ташқи ишлар вазири Салоҳуддин Раббоний кутиб олинди. 

5.JPG

Бошқа иштирокчилар ҳам бугун куннинг иккинчи ярмида Самарқандга келиши кутилмоқда.

6.JPG

Асосий тадбирлар эртага, 13 январь куни ўтказилади. Самарқанд шаҳридаги Форумлар мажмуасида ўтадиган учрашувда давлатлар ўртасидаги ўзаро савдо ҳажмини оширишга кўмаклашиш, транспорт ва логистикани ривожлантириш, саноат, энергетика, ахборот технологиялари, тиббиёт, фармацевтика, қишлоқ хўжалигининг муҳим тармоқларига инвестициялар, инновация ва технологиялар жалб қилиш бўйича ҳамкорликнинг истиқболли йўналишлари, шунингдек, маданият, илм-фан, таълим ва туризм соҳаларида ҳамкорлик масалалари муҳокама қилинади.

9.JPG

Вазирларнинг биринчи учрашуви якунлари бўйича Қўшма баёнот қабул қилиниши кўзда тутилган.

10.JPG

3 095
Ғолиб Ҳасанов​, Алишер Исроилов (сурат), ЎзА​​