Тошкентда суд органлари мустақиллигини таъминлаш масалалари бўйича халқаро конференция бошланди.

Тошкентда суд органлари мустақиллигини таъминлаш масалалари бўйича халқаро конференция бошланди.

БМТ Бош Ассамблеяси резолюциясига мувофиқ қабул қилинган Суд органлари мустақиллигининг асосий тамойилларининг 35 йиллигига бағишланган мазкур анжуман ишида Ўзбекистон Республикаси Конституциявий ва Олий суд судъялари, Олий Мажлис Сенати ва Қонунчилик палатаси, вазирлик ва идоралар вакиллари билан биргаликда АҚШ, словения, Франция, Хорватия, Қозоғистон ва Жанубий Кореядан келган экспертлар иштирок этмоқда. 

Ўзбекистон Республикаси Судьялар олий кенгашидан олинган маълумотларга кўра, тадбир давомида судлар ва судьялар мустақиллигининг ҳуқуқий, ижтимоий ва ташкилий масалалари миллий ва халқаро тажрибалар мисолида кўриб чиқилади. 

Халқаро конференция якуни бўйича суд-ҳуқуқ тизими ва суд органларининг мустақиллигини таъминлаш кафолати бўйича миллий қонунчиликни янада такомиллаштиришга қаратилган таклифлар ишлаб чиқилади. 

Анжуман давом этмоқда.