Самарқандда коронавирус инфекциясига чалинганлар 79 нафар бўлди
Covid-19 инфекциясини юқтирган ушбу беморлар карантинга олинганлар ҳисобига бўлиб, 53 нафари эркак, 26 нафари аёллардир.
2020 йил 22 апрель соат 11:30 ҳолатига кўра, Самарқандда коронавирус инфекцияси қайд этилганлар сони 79 нафарни ташкил қилмоқда, деб хабар бермоқда Самарқанд вилояти соғлиқни сақлаш бошқармаси.
Covid-19 инфекциясини юқтирган ушбу беморлар карантинга олинганлар ҳисобига бўлиб, 53 нафари эркак, 26 нафари аёллардир. Шундан 4 нафари вояга етмаганлар.
Айни пайтда вилоятда 3975 киши карантинга олинган. Уларнинг 657 нафари стационар шароитда тиббий назорат остида.
2020 йил 17 апрель куни берилган маълумотда вилоятда Covid-19 инфекциясини юқтирганлар 8 кишини ташкил этиши маълум қилинган эди.