ЎзА Ўзбек

15.01.2020 Чоп этиш версияси

Россия ташқи ишлар вазири Сергей Лавров Тошкентга келди

Россия ташқи ишлар вазири Сергей Лавров Тошкентга келди

Россия Федерацияси ташқи ишлар вазири Сергей Лавров 15 январь куни мамлакатимизга келди. 

Ислом Каримов номидаги Тошкент халқаро аэропортида юқори мартабали меҳмонни Ўзбекистон Республикаси ташқи ишлар вазирининг биринчи ўринбосари Илҳом Неъматов, Россиянинг Ўзбекистондаги Фавқулодда ва мухтор элчиси Владимир Тюрденев ва бошқа шахслар кутиб олди.

4.JPG

Ташриф дастуридан Ўзбекистон Ташқи ишлар вазирлигида музокара ўтказиш ва Москва давлат халқаро муносабатлар институтининг Тошкент шаҳридаги филиалига бориш кўзда тутилган.

Музокаралар давомида икки томонлама сиёсий, савдо-иқтисодий ва маданий-гуманитар ҳамкорликнинг қатор масалалари муҳокама қилинади. Ташқи ишлар вазирликлари ўртасида 2020-2021 йилларга мўлжалланган Ҳамкорлик дастурини имзолаш режалаштирилган.

6 500
Ғайрат Хонназаров, Оқил ҒУЛОМОВ (сурат), ЎзА