Олимпиадада ғолиб бўлган ўқувчи 22 миллион сўмдан ортиқ, унинг ўқитувчиси эса салкам 19 миллион сўм мукофотга эга бўлди
Фан олимпиадасида фахрли 1- ва 2-ўринларни академик лицей ўқувчилари эгаллади.
Жорий йилнинг 9 ноябрь куни Хоразм вилоятида умумтаълим мактаблари ва академик лицей ўқувчилари ўртасида ўтказилган Аҳмад ал- Фарғоний номидаги физика фани олимпиадаси ғолиблари аниқланди.
Фан олимпиадасида фахрли 1- ва 2-ўринларни академик лицей ўқувчилари эгаллади.
Термиз давлат университети академик лицейнинг 2-курс талабаси Турсунов Азизбек фахрли 1-ўринни эгаллади.
Тошкент шаҳридаги Сирожиддинов номидаги академик лицейнинг 2-курс талабаси Бобошев Сардор 2-ўринни қўлга киритди.
Олий ва ўрта махсус таълим вазирлиги ахборот хизмати хабарида қайд этилишича, олимпиаданинг ғолиб ўқувчилари ва уларнинг ўқитувчилари эсдалик совғалари ва қуйидаги миқдорда пул мукофотлари билан тақдирланган:
1-ўрин учун ўқувчига – 22 300 000 сўм, ўқитувчига - 18 955 000 сўм;
2-ўрин учун ўқувчига – 18 955 000 сўм, ўқитувчига - 14 495 000 сўм;
3-ўрин учун ўқувчига - 15 610 000 сўм, ўқитувчига – 11 150 000 сўм.