Бугун Ахборот ва оммавий коммуникациялар агентлиги ҳузурида ташкил этилган штабда Санитария-эпидемиология назорати давлат инспекцияси бошлиғи Нурмат Отабеков иштирокида брифинг ўтказилди.

Бугун Ахборот ва оммавий коммуникациялар агентлиги ҳузурида ташкил этилган штабда Санитария-эпидемиология назорати давлат инспекцияси бошлиғи Нурмат Отабеков иштирокида брифинг ўтказилди.

Унда "Бухорода нималар бўлмоқда? Нега вирус юқтирганлар сони бирданига 19 тадан 84 нафарга ошиб кетди?" деган савол берилди. Мазкур ҳолатга Н.Отабеков қуйидагича изоҳ берди.

"Бухорога 3 та давлатдан ҳамюртларимиз олиб келинган. Дастлаб Корея давлатидан 239 нафар фуқаромиз олиб келинган. Мазкур 239 нафар фуқаро Туркиядаги Истанбул аэропортида 8 соат битта хонада ҳеч қанақа ҳимоя воситаларисиз қолиб кетган. Демак, улар ўзларининг ҳимоясини эсдан чиқариб қўйган. Натижада келганидан сўнг, дастлабки текширувларда уларнинг 66 нафарида коронавирус касаллиги аниқланган. Касалликни юқиб қолишига уларнинг ўзлари шарт-шароит қилган. Бундан ташқари Бухоро вилоятига яна Россия Федирациясидан яна иккита рейсда 530 нафар фуқаро олиб келинган. Улар орасида ҳам коронавирус касаллигига чалинганлар бор. Россия Федирациясидан олиб келинганларга эътибор берадиган бўлсак, улар 2 кундан 5 кунгача ҳеч қандай ҳимоя воситаларисиз, бемалол бир бири билан мулоқот қилиб, битта жойда яшашган. Демак, қачонки улар ўзларининг ҳимояси ҳақида, эпидимик нохуш ҳудудэканлигини англаб етмаганлари мана шу ҳолатни юзага келишига сабаб бўлган.

Албатта, бу одамлар орасида коронавирус касаллигига чалинганларини аниқлаяпмиз", дея маълум қилди Отабеков.