ЎзА Ўзбек

02.12.2019 Чоп этиш версияси

Навоийда республика мутасаддилари сайёр қабул ўтказмоқда

Навоийда республика мутасаддилари сайёр қабул ўтказмоқда

Навоий вилояти Зарафшон шаҳрида Давлатимиз раҳбарининг топшириғига асосан, ҳудудларда аҳоли билан бевосита ва тўғридан-тўғри мулоқот қилиш, уларни қийнаб келаётган муаммоларни жойида ҳал этиш мақсадида Ўзбекистон Республикаси Президенти маслаҳатчиси Т.Худойбергенов раҳбарлигида ишчи гуруҳ сайёр қабул ўтмоқда.

Зарафшон шаҳри, Учқудуқ ва Томди туманлари аҳолиси иштирок этаётган учрашувда фуқароларнинг ижтимоий, коммунал ва бошқа муаммолари муҳокама этилди.

21.JPG

16.JPG

Республиканинг 14 та вазирлик ва қўмиталари мутасаддилари алоҳида ҳолда фуқароларни қабул қилди.

Хусусан, Зарафшон шаҳри 2 хонали уй олиб, кадастр билан боғлиқ муаммоларига ечим истаб келган Дилдор Холмуродованинг мурожаати жойида ҳал этилиб, кадастр ҳужжатлари тайёрлаб берилди.

8.JPG

33.JPG

– Илгари бундай масалаларни ойлаб кутишга тўғри келарди, – дейди Д.Холмуродова. – Баъзида идорама идора сарсон бўлардик. Мутасаддиларга минг раҳмат, менинг мурожаатим 15 дақиқада ҳал бўлди. Тегишли мутасаддилар масалага масъулият билан ёндашиб, мен каби фуқароларнинг оғири енгил қилаётганидан мамнунман.

1 118
Нуриддин РАҲИМОВ, ЎзА