Бундан бир ярим йил муқаддам ҳам очиқ аукционга “Матбуотчилар уйи” биноси сотувга қўйилган эди.

Бундан бир ярим йил муқаддам ҳам очиқ аукционга “Матбуотчилар уйи” биноси сотувга қўйилган эди. Бу борада ЎзА сайтида “Қарзга ботирган бошқалар, “уйсиз” қолаётган журналистлар” танқидий материали ҳам эълон қилинганди. Мақолага Тошкент шаҳар ҳокимияти бефарқ бўлмай мазкур иш ҳужжатлари қайта кўриб чиқилганини маълум қилиб, муаммони ижобий ҳал этганди.

Яъни, жамоатчиликнинг фаол қаршилиги ва мутасаддиларнинг мавжуд муаммоли масалага ечим топиши оқибатида бино кредит гаров таъминоти сифатида бекор қилинган ва “Матбуотчилар уйи” журналистларда, яъни аввалгидек, Тошкент шаҳар ҳокимияти тасарруфида (балансида) қолганди.

Эслатиб ўтамиз, “Матбуотчилар уйи” атрофида муаммоларнинг ижобий ҳал этилиши даврида Тошкент шаҳар ҳокими вазифасини вақтинча бажарувчи сифатида Жаҳонгир Ортиқхўжаев бошқараётганди.

Бугунга келиб эса E-ijro auksion очиқ аукционда бу бино ҳақида яна маълумот пайдо бўлди.

Матбуотчилар кўчаси 32-уйни 18.722 кв.м дан иборат майдони 9.890 кв.м бўлган литр 0001-7 қаватдан иборат ер тўлали чордак қаватли маъмурий бинонинг 3,4,5,6,7 қаватлари ва чордоқ қисми Иқтисодий судларнинг ижро ҳужжатига асосан сотувга қўйилди.

18 750 000 000.00 сўм билан савдога қўйилган мазкур бинода асосан матбуот вакиллари, яъни газета ва журналлар таҳририяти жойлашган.

Мазкур жараёнларни uza.uz сайти кузатиб боради ва бу борада қўшимча маълумотларни эълон қилиши кўзда тутилмоқда.