ЎзА Ўзбек

11.01.2019 18:49 Чоп этиш версияси

Хоразмда коррупция кўринишидаги 94 та жиноят фош этилди

Хоразмда коррупция кўринишидаги 94 та жиноят фош этилди
“Хуфиёна иқтисодиёт”га қарши курашиш, бозорда нарх-навонинг асоссиз ўсиб кетишининг олдини олиш, валюта қимматликларининг ноқонуний муомаласи билан боғлиқ ҳолатларни аниқлаш ва бартараф этиш борасида Хоразм вилоятида самарали ишлар олиб борилди.

Жумладан, 2018 йил давомида Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти Хоразм вилояти бошқармаси томонидан соҳага доир 463 ҳуқуқбузарлик аниқланди. Тадбиркорлик субъектларининг ҳуқуқ ва қонуний манфаатларини ҳимоя қилишга қаратилган 35 жиноят, коррупция кўринишларига қарши 94 жиноят фош этилди. Шунингдек, 729 тадбиркорлик субъектига ҳуқуқий ва амалий ёрдам кўрсатилиши натижасида 750 та янги иш ўрни яратилди.

Бу ҳақда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти Хоразм вилояти бошқармаси томонидан ташкил этилган “Солиқ соҳасида амалга оширилаётган ислоҳотлар жараёнида департамент органларнинг вазифалари” мавзусида давра суҳбати айтиб ўтилди.



ЎзА
2 330