Размер шрифта: A A A
Цвет сайта: A A A A

06.03.2017 15:57 Чоп этиш версияси

Қишлоқларда байрам тадбирлари

Халқ билан мулоқот ва инсон манфаатлари йилининг мақсад ва вазифаларидан келиб чиқиб, 8 март – Халқаро хотин-қизлар кунига бағишланган маданий-маърифий тадбирлар Жиззах вилоятининг ҳам барча шаҳару қишлоқларида, маҳалла ва муассасаларида ўтказилмоқда.

Дўстлик туманидаги Боғзор қишлоғида турли миллат вакилларидан иборат 4 мингдан зиёд аҳоли истиқомат қилади. Хотин-қизлар байрами, Наврўз шодиёналарига тайёргарлик асносида кўча ва хонадонлар, жамоат жойларида олиб борилаётган бунёдкорлик ва ободонлаштириш ишлари туфайли қишлоқ янада чирой очмоқда.

8 март – Халқаро хотин-қизлар кунига бағишлаб ташкил этилган тадбирда ўзининг меҳнатдаги, ижод ва спортдаги муваффақиятлари, жамоат ишларидаги фаоллиги, шунингдек, фарзанд тарбияси билан кўпчиликка ибрат бўлаётган аёлларга алоҳида ҳурмат-эҳтиром кўрсатилди. Туман ҳокими А.Бобобеков, туман хотин-қизлар қўмитаси раиси М.Қудратова ва бошқалар Президентимиз раҳнамолигида “Инсон манфаатлари ҳамма нарсадан устун” деган эзгу ғоя ҳаётга изчил татбиқ этилиб, қишлоқ аёлларининг турмуш шароитини янада яхшилашга алоҳида эътибор қаратилаётганини таъкидлади.

– Қишлоғимиз йилдан-йилга обод, турмушимиз фаровон бўлиб бораётир, – дейди ҳамшира Г.Азизова. – Шундай осойишта, одамлари аҳил-иноқ юртга байрамлар ярашади. Буни ўз ҳаётимиз мисолида кўриб турибмиз.

Байрам тадбирида фермерлик ва тадбиркорликда, ижод ва спортда муваффақиятларга эришаётган хотин-қизларга, намунали уй бекалари ва мўътабар онахонларга туман ҳокимлиги, туман хотин-қизлар қўмитаси, “Маҳалла” хайрия жамоат фонди туман бўлимининг эсдалик совғалари топширилди.

Тумандаги “Дўстлик чамани” ашула ва рақс халқ ансамблининг байрам концерти иштирокчиларга янада кўтаринки кайфият бағишлади.

Ташқул Бекназаров, ЎзА
979






Все о погоде - Pogoda.uz