ЎзА Ўзбек

26.09.2019 Чоп этиш версияси

Фарҳод Маҳмудов Президент администрацияси раҳбарига ўринбосар этиб тайинланди

Фарҳод Маҳмудов Президент администрацияси раҳбарига ўринбосар этиб тайинланди

Оммавий ахборот воситалари, маънавият ва маърифат, маданият, санъат ва ижодий ташкилотларни ривожлантириш масалалари хизмати бўйича Президент маслаҳатчиси ўринбосари Фарҳод Маҳмудов Президент администрацияси раҳбарига ўринбосар этиб тайинланди.

Фарҳод Маҳмудов энди Президент администрацияси раҳбари Зайнилобиддин Низомиддиновга ОАВ масалалари бўйича ўринбосарлик қилади.

Маълумот ўрнида, Фарҳод Маҳмудов 1973 йил Тошкент вилояти Чиноз туманида туғилган. У 1996 йил Тошкент давлат университетини тамомлаган. Маълумоти бўйича мутахассислиги журналист. 2008 йил “Меҳнат шуҳрати” ордени, 2018 йилда “Ўзбекистонда хизмат кўрсатган журналист” фахрий унвони билан тақдирланган.

Фарҳод Маҳмудов 1995 йилдан буён Ўзбекистон Миллий телерадиокомпанияси тизимида турли лавозимларда фаолият кўрсатган.

12 701
ЎзА