Бухоро муҳандислик технология институтининг ўқув биносида ташкил этилаётган синовларнинг илк кунида математика ва информатика фанлари йўналишида 294 нафар ўқитувчилар ўз билимларини синовдан ўтказди.

Бухоро вилояти халқ таълими тизимида фаолият олиб бораётган ўқитувчилар учун навбатдаги малака (тест) синовлари бошланди. Мазкур синовларда 2019 нафар ўқитувчининг иккинчи тоифага даъвогар сифатида иштирок этиши режалаштирилган.

Бухоро муҳандислик технология институтининг ўқув биносида ташкил этилаётган синовларнинг илк кунида математика ва информатика фанлари йўналишида 294 нафар ўқитувчилар ўз билимларини синовдан ўтказди.

Тест жараёнларининг боришини бевосита Халқ таълими вазирининг биринчи ўринбосари Усмон Шарифходжаев кузатди. Синовларнинг адолатли, шаффоф ўтказилиши юзасидан тегишли тавсия ва кўрсатмаларини берди.

Вилоят халқ таълими бошқармасининг хабарига кўра, Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси билан ҳамкорликда ўтказилаётган мазкур малака (тест) синовлари жорий йилнинг 10 октябрига қадар давом этади.