Ўзбекистон Миллий ахборот агентлиги

06.08.2018 09:35 Чоп этиш версияси

Биринчи курс талабаларига академик таътил бериладими?

Биринчи курс талабаларига академик таътил бериладими?
Олий таълим муассасалари талабаларига академик таътил бериш қайси ҳолларда берилади?

Ўзбекистон Республикаси олий таълим муассасалари талабаларига академик таътил бериш тўғрисидаги низом Адлия вазирлигида давлат рўйхатидан ўтказилганини вазирликнинг “Ҳуқуқий ахборот” канали яна бир карра эслатади. 

Низомга мувофиқ, академик таътил қуйидаги ҳолларда берилади:

  • ҳарбий хизматни ўташ учун;
  • саломатлигини тиклаш учун;
  • ҳомиладорлик ва туғиш учун;
  • болаларни парвариш қилиш учун.

Талабаларга ўқиш давомида икки марта, тиббиёт таълим муассасалари талабаларига уч мартагача академик таътил берилиши мумкин.

Биринчи курс талабаларига академик таътил, истисно тариқасида, фақат уларнинг касаллиги туфайли берилиши мумкин.

Академик таътил олиш учун талаба таълим муассасаси ректори номига ариза билан мурожаат қилади. Мурожаат бир ҳафталик муддатда кўриб чиқилиши лозим.

ЎзА