Қашқадарёдаги гуруҳли овқатдан заҳарланиш тўғрисида ахборот
Қашқадарё вилояти Нишон туманида жойлашган “TNTER ENGINEERING PTE. Ltd” компаниясининг Ғузор туманида жойлашган UZGTL лойиҳаси асосида ташкил этилган шаҳарча ишчиларидан 2019 йилнинг 13 декабрь куни соат 8:30 дан 16:30 гача вилоят Юқумли касалликлар шифохонасига 9 нафар ва Нишон ТТЁМга 2 нафар ишчилар кўнгил айниши, қайд қилиш, ични тез-тез кетиши, тана ҳароратини кўтарилиши, совуқ қотиш каби касаллик белгилари билан мурожаат қилган, ўтказилган тиббий кўрикдан сўнг, уларга гуруҳли овқатдан заҳарланиш “Ўткир гастроэнтерит” ташхиси қўйилиб шифохонага ётқизилганлиги тўғрисида бирламчи ахборот берилган эди.
Қашқадарё вилояти Нишон туманида жойлашган “TNTER ENGINEERING PTE. Ltd” компаниясининг Ғузор туманида жойлашган UZGTL лойиҳаси асосида ташкил этилган шаҳарча ишчиларидан 2019 йилнинг 13 декабрь куни соат 8:30 дан 16:30 гача вилоят Юқумли касалликлар шифохонасига 9 нафар ва Нишон ТТЁМга 2 нафар ишчилар кўнгил айниши, қайд қилиш, ични тез-тез кетиши, тана ҳароратини кўтарилиши, совуқ қотиш каби касаллик белгилари билан мурожаат қилган, ўтказилган тиббий кўрикдан сўнг, уларга гуруҳли овқатдан заҳарланиш “Ўткир гастроэнтерит” ташхиси қўйилиб шифохонага ётқизилганлиги тўғрисида бирламчи ахборот берилган эди.
Мазкур ҳолат бўйича вилоят Соғлиқни сақлаш бошқармаси бошчилигида штаб ташкил этилган, Овқатдан заҳарланиш келиб чиқишига гумон қилинган таомдан истеъмол қилган ишчилар тузилган комиссия томонидан тиббий кўрикдан ўтказилган. 2019 йил 14 декабрь соат 7:00 ҳолатида ўтказилган тиббий кўрик давомида яна 54 нафар ишчилар фаол аниқланиб шифохоналарга олиб келинган. Ҳозирда вилоят ЮКШда 49 нафар, ТТЁИМ Қашқадарё филиали Токсикология бўлимида 10 нафар, Ғузор туман ЮКШда 4 нафар, Нишон туман ШТТЁ бўлимида 2 нафар жами 65 нафар беморлар даволанмоқда. Беморларнинг 46 нафари аҳволи енгил, 19 нафари ўртача, оғир беморлар йўқ. Дори дармонлар захиралари етарли.
Беморлардан олинган намуналар ва заҳарланиш келиб чиқишига гумон қилинган таомдан олинган намуналарда лаборатория текширувлари давом этмоқда.
Соғлиқни сақлаш вазирлиги томонидан мазкур вазият тўлиқ назоратга олинган.