ЎзА Ўзбек

27.04.2020 Чоп этиш версияси

Аи-92 маркали бензин нархи яна 500 сўмга арзонлашди

Аи-92 маркали бензин нархи яна 500 сўмга арзонлашди

“Ўзбекнефтгаз“ АЖнинг “UNG” миллий бренди остидаги ёқилғи қуйиш шохобчалари тармоғида Аи-92 маркали бензин ва Европа стандартларига жавоб берувчи дизель ёқилғиси сотувини йўлга қўйган эди. 2020 йилнинг 1 март кунидан бошлаб, ушбу АЁҚШлардаги дизель ёқилғисининг нархи 500 сўмга арзонлаштирилди.

2020 йилнинг 26 март кунидан эътиборан, Аи-92 маркали бензиннинг нархи 6200 сўмдан 6000 сўмга пасайтирилган эди.

“Ўзбекнефтгаз“ АЖ матбуот хизмати хабарига кўра, жорий йилнинг 29 апрель кунидан бошлаб бу маҳсулотнинг нархи 5500 сўм қилиб белгиланди.

“Ўзбекнефтгаз” АЖ томонидан истеъмолчиларнинг манфаатларини инобатга олган ҳолда, шунингдек, биржа савдоларида бензин сотиб олиш харажатлари камайгани муносабати билан нефть маҳсулотларининг сотиш нархлари босқичма-босқич камайтириб борилади.

2 782
ЎзА