ЎзА Ўзбек

30.06.2020 Чоп этиш версияси

Адиблар хиёбони: Мушоира этади давом

Адиблар хиёбони: Мушоира этади давом

Ўзбекистон Ёзувчилар уюшмаси, Ёшлар иттифоқи марказий кенгаши, Республика маънавият-маърифат маркази, Маданият вазирлиги ҳамкорлигида «Ёшлар сайли» номли тадбир ўтказилди.

Адиблар хиёбонида ташкил этилган «Ёшлар сайли» доирасида ўтказилган адабий-бадиий кеча том маънода шеърхонликка уланиб кетди.

photo_2020-06-30_19-53-30.jpg

Тадбирда таниқли санъаткорлар, истеъдодли ёш шоир ва ёзувчилар, волонтёрлар, ўқитувчи ва талабалар ҳамда ОАВ ходимлари иштирок этди.

- Дўстлар билан кўп шеърхонлик қилиб турамиз,- деди шоир Бегали Эшонқулов.- Аммо бу галгиси бошқача, файзли бўлди. Устоз ижодкорлар ҳайкаллари пойи остида ўтказилган мушоира ёш ижодкорларга байрамона кайфият улашди.

photo_2020-06-30_19-53-26.jpg

Тадбир давомида экспозициялар, спектакль намойишлари, китоблар ва ёш рассомлар кўргазмаси, «Юзма-юз» лойиҳаси, викториналар ҳамда ёш ижодкорлар иштирокида гўзал мушоиралар бўлиб ўтди. Хиёбонда мушоиралар, китоб тақдимотлари ўтказилди.

Ёш ижрочилар ҳамда таниқли санъаткорлар иштирокида кечган байрам концерти барча иштирокчиларга хуш кайфият улашди.

photo_2020-06-30_19-53-35.jpg

2 044
Д. Маматова, ЎзА