O‘zA | O‘zbekiston Milliy axborot agentligi
Ўзб  O‘zb  Рус   Eng  Fra  Deu  Esp  العربية  中文

21.04.14
Жамият

Муқобиллик, ошкоралик – асосий омил

ЎзА, М.Сулаймонов, 14.11.2013 16:35

Ўзбекистон Республикаси Олий Мажлиси Сенати Кенгашининг 2013 йил 12 сентябрдаги қарорига мувофиқ ўтказилаётган фуқаролар йиғинлари раислари (оқсоқоллари) ва уларнинг маслаҳатчилари сайлови Фарғонада ҳам қизғин давом этмоқда.

Сайловларда фуқаролар ташкилотчилик қобилияти ва бой ҳаётий тажрибага эга, обрў-эътиборли номзодга овоз бермоқда.

Ўзбекистон туманидаги "Нурсух" қишлоқ фуқаролар йиғинида очиқ овоз бериш йўли билан ўтказилган сайловда уч нафар номзод орасидан шу пайтга қадар қишлоқ фуқаролар йиғини раиси вазифасида ишлаб келаётган Азизбек Ўринбоев навбатдаги муддатга қайта раисликка сайланди.

– Ҳаётимизни маҳалласиз тасаввур этиб бўлмайди, – дейди қишлоқ фуқаролар йиғини фаоли Валижон Қўчқоров. – Яхши кунимизда ҳам, бошимизга ташвиш тушганда ҳам, аввало, маҳалла, маҳалладошлар билан кенгашамиз. Оқсоқол ҳудуднинг пасту баландини яхши биладиган, маҳалладошлар билан бирдай тил топишиб, элнинг қувончу ташвишини ўзиники деб қабул қиладиган киши бўлиши керак. Бугун сайланган раис ва унинг маслаҳатчиларига ўз зиммасидаги ана шундай шарафли ва масъулиятли вазифани уддалашга қодир инсонлар, деб ишонч билдирдик.

Бу галги сайловда вилоят бўйича 1029 маҳалла фуқаролар йиғини раиси ва уларнинг 9 минг 600 нафардан зиёд маслаҳатчилари сайланади. Айни кунда ушбу муҳим ижтимоий-сиёсий жараён уюшқоқлик билан давом этмоқда.

So‘nggi yangiliklar:

Чемпионат давом этмоқда

Аҳолининг ҳуқуқ ва манфаатларини таъминлаш тизими янада мустаҳкамланмоқда

Иқтидор ва матонат баҳси

Журналистлар билимини ошириш йўлида

Тасвирий санъат фестивали

Сайтлар

Prezident matbuot xizmati
Gov.uz portali

Викторина