Размер шрифта: A A A
Цвет сайта: A A A A

02.07.2018 14:47 Чоп этиш версияси

“Қувноқлар ва зукколар”да иқтидорлилар сараланди

“Қувноқлар ва зукколар”да иқтидорлилар сараланди
Пойтахтимиздаги Алишер Навоий номидаги киносаройида “Ёшлар куни” муносабати билан Фавқулодда вазиятлар вазирлиги тизимида хизмат қилиб келаётган ёшлар ўртасида “Қувноқлар ва зукколар” кўрик-танловининг финал босқичи бўлиб ўтди.

2.jpg

Танловнинг мазкур босқичида Фавқулодда вазиятлар вазирлиги ҳузуридаги Фуқоро муҳофазаси институти ҳамда вилоят Фавқулодда вазиятлар бошқармаларидан келган 4та жамоа турли шартлар асосида ўз билим ва маҳорати, ҳозиржавоблиги, интелектуал салоҳиятини намойиш этишди. 

3.jpg

– Бу лойиҳа тизимда хизмат қилиб келаётган ёшларнинг билими ва савиясини қай тарзда намойиш этиш йўлидаги ўзига хос имкониятдир, – дейди Фуқоро муҳофазаси итинситути жамоасининг иштирокчиси Ҳусан Халилов. – Танлов баҳонасида юртимизнинг турли ҳудудларидан келган касбдошларимиз билан дўстлашдик, улар билан тажриба алмашдик. 

6.jpg

Танловда биринчи ўринни Фавқулодда вазиятлар вазирлиги ҳузуридаги Фуқоро муҳофазаси институти жамоаси қўлга киритди. Тадбир сўнгида иштирокчилар диплом ва қимматбаҳо совғалар билан тақдирланиб, Пойтахтимизнинг диққатга сазовор жойларига экскурсия уюштирилди.

4.jpg

Самандар Ҳикматуллаев, 
Фавқулодда вазиятлар вазирлиги
Матбуот хизмати раҳбари

6 518