ЎзА Ўзбек

12.03.2018 16:28 Ёшларга оид давлат сиёсати

Қорақалпоғистонда энг намунали сардорлар кенгаши аниқланди

Қорақалпоғистонда энг намунали сардорлар кенгаши аниқланди
Бердақ номидаги Қорақалпоқ давлат университетида Ўзбекистон ёшлар иттифоқи Қорақалпоғистон Республикаси кенгаши томонидан “Энг намунали сардорлар кенгаши” кўрик танловининг Қорақалпоғистон Республикаси босқичи ўтказилди.

Танловда 8 гуруҳ иштирок этди. Улар “Бу бизнинг ишчанлигимиз, бизнинг фаолиятимиз”, “Бизнинг имкониятимиз” ва “Интеллектуал ринг” шартлари бўйича ўзаро баҳслашди.

2.jpg

Танловда 1-7 синф сардорлари ўртасида Чимбой тумани 32-умумтаълим мактабининг “Науше” гуруҳи “Имконияти чекланган болаларни китоб ўқишга қизиқтириш” лойиҳаси билан қатнашиб, биринчи ўринни эгаллади. 8-10 синф сардорлар кенгаши ўртасида Хўжайли тумани 3-умумтаълим мактабининг “Учқун” гуруҳи биринчи ўринни қўлга киритди.

3.jpg

Ғолиблар ташкилотчилар томонидан тайёрланган “Камалак” кубоги, махсус диплом ва эсдалик совғалари билан тақдирланди.

Анвар Насирлаев, Мақсад Ҳабибуллаев (сурат) ЎзА