Президентимиз хорижий кредитлар етарлича самара бермаётганининг асл сабабини маълум қилди
Энг ёмони, истиқболли йирик лойиҳаларни белгилаш ва амалга оширишда жиддий хатоликларга йўл қўйилмоқда, хорижий кредитлар самарасиз ишларга сарфланяпти, деди Президентимиз Олий Мажлис Сенати ва Қонунчилик палатаси аъзоларига Мурожаатномасида.
Энг ёмони, истиқболли йирик лойиҳаларни белгилаш ва амалга оширишда жиддий хатоликларга йўл қўйилмоқда, хорижий кредитлар самарасиз ишларга сарфланяпти, деди Президентимиз Олий Мажлис Сенати ва Қонунчилик палатаси аъзоларига Мурожаатномасида.Масалан, Қорақалпоғистонда барпо этилган Устюрт газ-кимё мажмуаси кутилган иқтисодий самарани бермаяпти. Бундай ачинарли ҳолатни халқимизнинг энг ўткир эҳтиёжлари билан боғлиқ ижтимоий дастурларда ҳам кўриш мумкин. Мисол учун, аҳолини ичимлик суви билан таъминлаш мақсадида охирги 10 йилда 17 лойиҳа доирасида 618 миллион доллардан зиёд хорижий кредитлар жалб этилди. Бироқ бошланган лойиҳаларнинг кўпчилиги охирига етказилмади. Ичимлик суви қанча-қанча одамлар учун ҳали ҳам ширин орзулигича қолмоқда.
Давлатимиз раҳбари хорижий сармояларни жалб қилиш бўйича самарали тизим яратишни, ҳар бир кредитни аниқ ишлатишда етти ўлчаб, бир кесиш тамойилига қатъий амал қилиш зарурлигини таъкидлади.