Размер шрифта: A A A
Цвет сайта: A A A A

31.08.2018 16:00 Чоп этиш версияси

Президент ватандошларимизга давлат мукофотларини топширди

Президент ватандошларимизга давлат мукофотларини топширди
Ўзбекистон Республикаси Президенти Шавкат Мирзиёевнинг фармонларига мувофиқ, мустақиллигимизнинг 27 йиллиги арафасида мамлакатимизни ҳар томонлама ривожлантиришга катта ҳисса қўшган, ўз соҳаларида юқори натижаларга эришган бир гуруҳ юртдошларимиз фахрий унвонлар, орден ва медаллар билан тақдирланган эди.

«Ўзбекистон» халқаро анжуманлар саройида 31 август куни ана шу юксак мукофотларни топшириш маросими бўлди.

Бу ҳақда Ўзбекистон Республикаси Президенти Матбуот хизмати хабар қилмоқда.

Шавкат Мирзиёев йиғилганларни Мустақиллик байрами, давлат мукофотларига сазовор бўлгани билан табриклади.

– Мамлакатимиз тараққиётининг янги даврига, янги босқичига қадам қўйдик.Келажагимизни халқимиз томонидан қабул қилинган Ҳаракатлар стратегияси асосида ўз қўлимиз, ўз кучимиз билан барпо этмоқдамиз. Одамларни рози қилишни бугунги сиёсатимизнинг бош мақсади, деб биламиз. “Ўсиш”, “ривожланиш” деганда фақат рақамларга, миқдор кўрсаткичларига эмас, аввало улар аҳолининг кундалик ҳаётида, уйи ва дастурхонида қандай намоён бўлаётганига устувор аҳамият қаратаяпмиз, – деди Президент.

dc9d6f2d-16be-e1e6-2667-43eb62e99ffc.jpg

Бугун барча-барча жабҳаларда ўзгаришлар рўй бермоқда. Мамлакатимизнинг иқтисодий қудратини юксалтириш, ҳудудларни комплекс ривожлантириш, қишлоқ ва маҳалларни обод қилиш, халқнинг турмуш даражасини ошириш бўйича кенг кўламли ислоҳотлар амалга оширилмоқда. 

Бу ишларга муносиб ҳисса қўшаётган, ўзининг фидокорона меҳнати, Ватанга садоқати билан эл-юртга намуна бўлаётган инсонлар хизматини муносиб қадрланмоқда. Турли саналар ва касб байрамлари муносабати билан ўнлаб фидойи инсонлар давлатимизнинг юксак мукофотлари билан тақдирланмоқда. Жорий йилнинг ўтган даврида турли саналар муносабати билан 320 нафар ватандошимиз давлатимиз томонидан фахрий унвонлар, орден ва медаллар билан тақдирланди. Байрам арафасида уларнинг сафига яна 321 киши қўшилди. 

Президентимиз бир гуруҳ юртдошларимизга давлат мукофотларини тантанали равишда топширди.

56b04def-ef2b-f247-5bbc-b203e9f0bac5.jpg

– Мен сизларнинг кўпчилигингизни яқиндан танийман. Ҳар бирингизни ўз меҳнати, жонкуярлиги ва ташаббускорлиги билан барчага ўрнак бўлаётган ҳурматли инсонлар сифатида қадрлайман. 

Барчангизга тилагим битта: сизлар мана шундай ютуқ ва зафарларни қўлга киритишдан ҳеч қачон чарчаманг. Биз эса сизларга давлатимизнинг мана шундай юксак мукофотларини топширишдан чарчамайлик, – деди Шавкат Мирзиёев.

ЎзА
11 184