Размер шрифта: A A A
Цвет сайта: A A A A

16.09.2017 13:01 Чоп этиш версияси

Нурсултон Назарбоев Ислом Каримов ҳайкали пойига гул қўйди

Нурсултон Назарбоев Ислом Каримов ҳайкали пойига гул қўйди Қозоғистон Республикаси Президенти Нурсултон Назарбоев Ўзбекистон Республикаси Президенти Шавкат Мирзиёев ҳамроҳлигида Мустақиллик майдонига ташриф буюрди.

rasmiy_1924 uz.jpg
Олий мартабали меҳмон ҳурриятимиз, порлоқ истиқболимиз ва эзгу ниятларимиз рамзи бўлган Мустақиллик ва эзгулик монументи пойига гул қўйди. 
Нурсултон Назарбоев Мустақиллик майдонининг меъморий ечими, чуқур мазмун-моҳиятига юқори баҳо берди.

Президентлар пойтахтимиздаги Шайх Хованди Тоҳур ва Тўлабий (Қалдирғочбий) мақбараларини зиёрат қилди.

Тўлабий (Қалдирғочбий) мақбараси Шайх Хованди Тоҳур мажмуасидаги кўҳна қабристоннинг шимолида жойлашган. Мақбара пишиқ ғиштдан, чортоқ тарҳли, қўш қават гумбазли қилиб қурилган. Манбааларда қайд этилишича, бу ерга Тўлабий Алибий ўғли дафн этилган. Мустақиллик йилларида ушбу мақбара қайта таъмирланиб, муқаддас қадамжолардан бирига айлантирилган. 

Ўтганлар ҳақига Қуръон тиловат қилиниб, дуо ўқилди.

rasmiy_0442.jpg

Зиёрат якунида Шавкат Мирзиёев ва Нурсултон Назарбоев оммавий ахборот воситалари вакиллари билан мулоқот қилиб, мамлакатларимиз ҳамкорлигида янги босқич бошланганини таъкидладилар.

Қозоғистон Президенти Нурсултон Назарбоев Ўзбекистоннинг Биринчи Президенти Ислом Каримов кўп йиллар фаолият олиб борган Оқсарой қароргоҳига ташриф буюрди.

Нурсултон Назарбоев буюк давлат ва сиёсат арбоби Ислом Каримов ҳайкали пойига гул қўйиб, унинг ёрқин хотирасига ҳурмат бажо келтирди.

Бекзод Ҳидоятов, Зиёдулла Жонибеков, Аъло Абдуллаев, Муҳаммад Амин (сурат), ЎзА
3 910






Все о погоде - Pogoda.uz