Размер шрифта: A A A
Цвет сайта: A A A A

11.03.2017 12:14 Чоп этиш версияси

Халқ рози бўлса жамият равнақ топади

Давлатимиз раҳбари Шавкат Мирзиёев Ўзбекистон Республикаси Президентининг Бухоро вилоятидаги Халқ қабулхонасини бориб кўрди.

Президентимизнинг «Инсонларнинг дарду ташвишларини ўйлаб яшаш – одамийликнинг энг олий мезонидир», деган сўзлари Халқ қабулхоналарига кираверишда ёзиб қўйилган.

2016 йил 24 сентябрда Бош вазирнинг виртуал қабулхонаси очилиши жисмоний ва юридик шахслар мурожаатлари билан ишлаш тизимини янада такомиллаштириш имконини берди. Давлатимиз раҳбарининг 2016 йил 28 декабрдаги «Жисмоний ва юридик шахсларнинг мурожаатлари билан ишлаш тизимини тубдан такомиллаштиришга доир чора-тадбирлар тўғрисида»ги фармони бу борадаги ишларни янги босқичга олиб чиқди.

Мамлакатимизда 2017 йилнинг Халқ билан мулоқот ва инсон манфаатлари йили, деб эълон қилингани бу мақсаднинг мукаммал такомилга етгани, инсон манфаатларини таъминлаш, фуқаролар мурожаатлари билан ишлашнинг янги тизими жорий этилганининг ҳуқуқий пойдевори бўлди.

Ўзбекистон Республикаси Президентининг Бухоро вилоятидаги халқ қабулхонаси замонавий бинода иш бошлади. Бу ерда жисмоний ва юридик шахслар учун қулай шарт-шароитлар яратилган. Қабулхона ҳуқуқий адабиётлар, зарур маълумотлар ва ахборот технологиялари билан таъминланган.

Бухоро шаҳри Иброҳим Мўминов кўчаси, 26-уйда жойлашган қабулхона халқ билан очиқ мулоқот олиб бориш, жисмоний ва юридик шахслар мурожаатлари билан ишлашга тайёр.

ЎзА
6 133






Все о погоде - Pogoda.uz