Samarqand shahridagi Lohutiy va Gulbahor mahallarida istiqomat qiluvchi 2 ming 652 saylovchi hududdagi 76-saylov uchastkasiga kelib O‘zbekiston Respublikasi Prezidenti saylovida ishtirok etmoqda.

Samarqand shahridagi Lohutiy va Gulbahor mahallarida istiqomat qiluvchi 2 ming 652 saylovchi hududdagi 76-saylov uchastkasiga kelib O‘zbekiston Respublikasi Prezidenti saylovida ishtirok etmoqda.

Joriy yilda Braziliyaning Rio-de-Janeyro shahrida o‘tkazilgan XV Paralimpiya o‘yinlarida mamlakatimiz sharafini munosib himoya qilib, dzyudo bo‘yicha oltin medalni qo‘lga kiritgan O‘tkirjon Ne’matov ushbu saylov uchastkasida o‘zi munosib, deb bilgan nomzod uchun ovoz berdi.

–Jahon sportining eng nufuzli musobaqasidagi muvaffaqiyatim tufayli davlatimiz tomonidan “O‘zbekiston iftixori” unvoni, pul mukofoti va zamonaviy avtomobil bilan taqdirlandim, – deydi paralimpiya chempioni O‘.Ne’matov. – Saylov uchastkasi yaqin bo‘lsa-da, bugun bu yerga ana shu avtomobilda keldim. Chunki mamlakatimizda mustaqillikning dastlabki yillaridanoq Birinchi Prezidentimiz rahnamoligida huquqiy demokratik davlat qurishga kirishilmaganida, xalqaro andozalarga mos saylov o‘tkazish va xalqimiz o‘zi munosib, deb topgan insonni Prezident etib saylash tizimi yaratilmaganida biz, sportchilarning ham bunday natijalarga erishishi qiyin edi. Shu bois bugungi saylovda yurtimizning barcha fuqarolari qatori sportchilar ham faol ishtirok etmoqda. Bu saylov O‘zbekistonimizning buyuk kelajagini, yurtimizning yanada obod, hayotimizning farovon bo‘lishida muhim ahamiyatga ega. Prezidentlikka nomzodga ovoz berishda ana shunday niyatlarni dilimga tugdim.